Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
28.12.2021, 14:22

Казанда канат юлы төзелеше проекты Татарстан Республикасының Инвестицион советында каралды

Ул ТР Президенты Рөстәм Миңнеханов рәислегендә узды.

Фото: ТР Президенты матбугат хезмәте

(Казан шәһәре KZN.RU, 28-нче декабрь). ТР Президенты Рөстәм Миңнеханов рәислегендә ТР Инвестицион советы утырышында республика территориясендә гамәлгә ашыру планлаштырыла торган проектлар каралды. Чарада ТР Премьер-министры Алексей Песошин, Казан Мэры Илсур Метшин һәм башкалар катнашты.

Горький исемендәге парк һәм Казандагы «Ак Барс Арена» стадионын тоташтырачак канат юлы проектын «АэроМост» компаниясе генераль директоры Денис Белов тәкъдим итте. Инвестицияләр күләме 3 млрд сум тәшкил итә һәм аны төзү өчен 120 эш урыны булдыруны күздә тота. «Кирәкле җир участогының гомуми мәйданы 2,9 гектар тәшкил итә. Канат юлның озынлыгы – 2773 м, ул Рус-Немец Швейцариясенең парк зонасы аша узачак һәм яшел шәһәр зоналарына искиткеч күренеш ачачак», – диде Денис Белов.

Үз чиратында Рөстәм Миңнеханов билгеләп үткәнчә, проект турында сөйләшүләр күптән алып барыла, һәм канат юлы шәһәргә кирәк.

Фикер алышуга шулай ук Яр Чаллыда балалар бакчасы, Югары Ослан районында күзәтү манарасы, «Яшел Үзән 3» күпләп сату-бүлү үзәге, «Транзит-Сити» компаниясенең «Яшел Үзән» сәнәгать паркы янындагы күпфункцияле автокомплексы төзелеше проектлары чыгарылды, дип хәбәр итә ТР Президенты матбугат хезмәте.

Фоторепортаж

Видеорепортаж

Барлык яңалыклар