Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
28.10.2019, 14:39

Казанлыларга контракт буенча хәрби хезмәт үтү турында сөйләячәкләр


(Казан шәһәре KZN.RU, 28-нче октябрь). 2-нче ноябрьдә «Казан» Гаилә үзәге янындагы мәйданчыкта «Россия Федерациясе Кораллы Көчләрендә контракт буенча хәрби хезмәт – син сайлаган юл!» акциясе узачак. Кунаклар заманча корал һәм хәрби техника үрнәкләрен, хәрби хезмәткәрләрнең экипировкаларын, күрсәтмә чыгышларны карый һәм спортчыларның мастер-классларына кушыла алачаклар.

Россия Федерациясе Оборона министрлыгының мәгълүмати-агитация акциясе казанлыларны Россия кораллы көчләре эшчәнлеге, аларның тарихы, контракт буенча хәрби хезмәт үтү шартлары белән таныштыруга юнәлдерелгән.

Барлык теләүчеләр дә заманча корал һәм хәрби техника үрнәкләрен, хәрби хезмәткәрләрнең экипировкаларын күрә алачаклар. Кунаклар өчен иҗат коллективлары һәм ансамбльләр катнашында концерт, мактаулы каравыл ротасының һәм махсус билгеләнештәге бүлекчәнең хәрби хезмәткәрләренең күрсәтмә чыгышлары узачак. Моннан тыш, армиянең Үзәк спорт клубында катнашучылар мастер-класслар да үткәрәчәкләр.

Хәрби карьера белән кызыксынган катнашучылар өчен мәйданда контракт буенча хәрби хезмәткә сайлап алу мобиль пунктлары, шулай ук Россия Федерациясе Оборона министрлыгы югары хәрби уку йортларының мәгълүмат пунктлары эшен оештыралар.

Акция 2-нче ноябрь көнне 10.30 сәгатьтән 14.00 сәгатькә кадәр барачак. Барлык чаралар да бушлай, мәйданчыкка керү – ирекле, дип хәбәр итә Татарстан Яшьләр эшләре министрлыгы матбугат хезмәте.

Барлык вакыйгалар