Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
30.07.2020, 17:01

«Казан» гаилә үзәге янында автокинотеатр ачыла


(Казан шәһәре KZN.RU, 30-нчы июль). 1-нче августта «Казан» гаилә үзәге территориясендәге автокинотеатрда бушлай кино күрсәтү башлана. Ул Касә янындагы парковкада урнашачак, анда аена ике тапкыр, шимбә көннәрендә, Россия кинопрокатының заманча фильмнарын һәм узган елларның тамашачылар яраткан тасмаларын күрсәтәчәкләр.

Киноны махсус урнаштырылган экранда трансляцияләячәкләр, ә тавыш - бары тик FM-дулкында гына, аны тамашачыларга үз автомобиле салонындагы радиоалгычта көйләргә кирәк булачак.

Автокинотеатрның сыйдырышлылыгы - 40 автомобиль. Алар арасында 1,5 метр социаль дистанция үтәләчәк. Моннан тыш, мәйданчыкта санитайзерлар урнаштырылачак, кирәк булган очракта теләүчеләргә шәхси саклану чараларын өләшәчәкләр. Кино күрсәтү вакытында тамашачыларга уңайлы булсын өчен «Казан» гаилә үзәге парковкасында урнаштырылган җәмәгать бәдрәфенең эш режимы 23.00 сәгатькә кадәр дәвам итәчәк. Парковкада кайнар кабымлыклар, снеклар һәм эчемлекләр сатып алырга мөмкин булачак.

Шимбә көнне, 1-нче августта, шәһәр халкы режиссер Борис Хлебниковның «Артимия» Россия картинасын карый алачак. Сюжет буенча Олег һәм Катя - бөтен көчләрен эшкә бирүче ашыгыч ярдәм табиблары. Алар берничә ел никахта, ләкин аларның гаиләсе таркалу куркынычы астында. Проектның киносеанслары бушлай булачак, әмма урыннар саны чикләнгән.

Сеанска эләгү өчен, сылтама буенча теркәлергә кирәк. Кино күрсәтү 21.00 сәгатькә планлаштырылган, автокинотеатрга тамашачыларга сеанс башланырга бер сәгать кала килергә тәкъдим ителә.

Территориягә керү җиңел автомобильләргә һәм внедорожникларга рөхсәт ителгән, мотоциклчылар һәм велосипедчылар өчен урыннар каралмаган, дип хәбәр итә Парклар һәм скверлар дирекциясе.

Автокинотеатрга бару кагыйдәләре исемлеге белән теркәлү сылтамасы буенча танышырга мөмкин.

Барлык вакыйгалар